Author Archives: മലയാളം മാഷ്

ഡി.എഡ് ചോദ്യസമാഹാരം


ഡി.എഡ്  പരീക്ഷ നവംബര്‍ 20 ന് തുടങ്ങുമല്ലോ!  അതിനുമുമ്പ് ഒരു മോഡല്‍ പരീക്ഷ എഴുതി നോക്കുന്നത് നന്നായിരിക്കും. ചോദ്യമാതൃകകള്‍  പരിചയപ്പെടാനും, ഉത്തര സൂചികകള്‍ വെച്ച് വിലയിരുത്താനും  ഇത് സഹായകമാവും. സമഗ്രയില്‍ ഒന്നുമുതല്‍ പന്ത്രണ്ടാം ക്ലാസ്സുവരെയുള്ള ചോദ്യമാതൃകകളും ശേഖരവും പ്രസിദ്ധീകരിക്കുന്നുണ്ട്. എന്നാല്‍ ഡി.എഡ് വിദ്യാര്‍ത്ഥികള്‍ക്ക് ഇത്തരം മോഡല്‍ പരീക്ഷകളോ ചോദ്യാവലിശേഖരമോ ലഭ്യമല്ല. ഈ സാഹചര്യത്തില്‍ പാലക്കാട് ഡയറ്റ് പി.എസ്.ടി.ഇ വിഭാഗം   ജില്ലയിലെ മുഴുവന്‍ ടീച്ചര്‍ എഡുക്കേഷന്‍ ഇന്‍സ്റ്റിട്ട്യൂട്ടുകളുടേയും പങ്കാളിത്തത്തോടെ ചോദ്യനിര്‍മ്മാണം നടത്തുകയും അതില്‍ നിന്നും എഡിറ്റ് ചെയത് രൂപപ്പെടുത്തിയതാണ് ഈ ശേഖരം.

ചോദ്യശേഖരം ഡൌണ്‍ലോഡുചെയ്യാംചോദ്യശേഖരം

 

Advertisements

ക്ലാസ്സ് പി.ടി.എ


ക്ലാസ്സ് പി.ടി.എ

യറ്റ് പാലക്കാട്

ഓങ്ങല്ലൂര്‍ പഞ്ചായത്ത് ജോതിസ്സ് പ്രോജക്ട്

സമഗ്ര രക്ഷാകര്‍തൃ വിദ്യാഭ്യാസപരിപാടി പരിശീലന മോഡ്യൂള്‍

തയ്യാറാക്കിയത്ഡോ .കെ. രാമചന്ദ്രന്‍ ഡയറ്റ് പാലക്കാട്

ആമുഖം

ഓരോ കുട്ടിയുടെയും പഠനപുരോഗതി രക്ഷകര്‍ത്താവിനെ ബോധ്യപ്പെടുത്താന്‍ വേണ്ടിയുള്ള സമിതിയാണ് ക്ലാസ് പി ടി എ. വിദ്യാഭ്യാസ അവകാശ നിയമം അനുസരിച്ച് കുട്ടിയുടെ ഹാജര്‍, പഠനശേഷി, പഠനപുരോഗതി, കുട്ടിയെ സംബന്ധിച്ച മറ്റ് പ്രസക്തമായ കാര്യങ്ങള്‍ എന്നിവ ഇവിടെ ചര്‍ച്ച ചെയ്യണം. വിദ്യാലയവും സമൂഹവും തമ്മിലുള്ള പാരസ്പര്യം ഉറപ്പിക്കുന്ന കണ്ണിയായി ക്ലാസ് പി ടി എ പ്രവര്‍ത്തിക്കണം. കുട്ടിയും അധ്യാപകനും രക്ഷിതാവും പരസ്പര പൂരകങ്ങളായി കുട്ടിയുടെ സമഗ്ര വികസനത്തിന് ഊര്‍ജം പകരുന്നു. കുട്ടിയുടെ പഠന പങ്കാളിയാകുന്നതിന് അവസരം ഒരുക്കുന്ന കൂട്ടായ്മയായി ക്ലാസ് പി ടി എ അര്‍ത്ഥവത്താ കേണ്ടതുണ്ട്.കുട്ടിയുടെ പഠനത്തില്‍ രക്ഷിതാക്കള്‍ക്ക് വലിയ പങ്കാണ് ഉള്ളത്. കുട്ടികളുടെ പെരുമാറ്റം സ്വഭാവ സവിശേഷതകള്‍,എന്നിവ വീട്ടില്‍ നിന്നുതന്നെ രൂപപ്പെട്ടു വരുന്നതാണ്.അതിന്റെ തുടര്‍ച്ചയും വളര്‍ച്ചയുമായിരിക്കും വിദ്യാലയങ്ങളില്‍ നിന്നും സംഭവിക്കുന്നത്. രക്ഷിതാക്കളുടെ വീട്ടിലെ പെരുമാറ്റം, ആഹാരരീതികള്‍, വീട്ടിലെ പഠനാന്തരീക്ഷം, എന്നിവ പഠനത്തെ ബാധി ക്കുന്നു. രക്ഷിതാക്കളുടെ സമഗ്രമായ മാറ്റത്തിന് നിരന്തരമായ പരിശീലനങ്ങള്‍ അനിവാര്യമാണ് . ഈ സാഹചര്യത്തില്‍ മേല്‍പ്പറഞ്ഞ ലക്ഷ്യങ്ങള്‍ കൈവരിക്കാനായി ഓങ്ങല്ലൂര്‍ പഞ്ചായത്ത് ഈ അധ്യയന വര്‍ഷം മുതല്‍ പഞ്ചായത്തിലെ മുഴുവന്‍ വിദ്യലയങ്ങളിലും രക്ഷാകര്‍ത്താക്കളുടെ സഹായത്തോടെ ഒരു സമഗ്ര പരിശീലന പരിപാടി ആരംഭിക്കുന്നു.

ഉദ്ദേശ്യങ്ങള്‍

  • ഓരോ ക്ലാസ്സിലേയും പഠനനേട്ടങ്ങള്‍ പരിഗണിച്ചുള്ള വിലയിരുത്തല്‍ പ്രക്രിയ തിരിച്ചറിഞ്ഞ് കുട്ടിയുടെ മികവും പരിമിതികളും മനസ്സിലാക്കി കുട്ടിയെ പഠനപുരോഗതിയിലേക്കു നയിക്കാന്‍ വേണ്ട പിന്തുണകള്‍ നല്‍കാന്‍ പ്രാപ്തരാക്കുക.

  • ഗാര്‍ഹിക അന്തരീക്ഷം കുട്ടിയുടെ പഠനത്തില്‍ എങ്ങനെ പ്രതിഫലിക്കുന്നു എന്ന് തിരിച്ചറി യാനും കുട്ടിക്ക് വേണ്ട പഠനാന്തീക്ഷം ഒരുക്കാനുള്ള ധാരണ നല്‍കാനും.

  • പൊതു വിദ്യാഭ്യാസ സംരക്ഷണ യജ്ഞം എന്ന മഹത്തായ പദ്ധതി തിരിച്ചറിഞ്ഞ് വിദ്യാഭ്യാസ പ്രവര്‍ത്തനങ്ങളില്‍ പങ്കാളിത്തം വഹിക്കാന്‍ പ്രാപ്തരാക്കാന്‍.

സെഷന്‍ ഒന്ന് (10.30 മുതല്‍ 11.30 വരെ)

ലക്ഷ്യംഎന്താണ് പഠനനേട്ടം, അതിനെ അടിസ്ഥാനമാക്കിയുള്ള വിലയിരുത്തല്‍ എങ്ങനെ? കുട്ടിയുടെ മികവെന്ത്? പോരായ്മയെന്ത്? ഇനിയെങ്ങനെ കുട്ടിയെ സഹായിക്കണം

പ്രക്രിയ

കൊട്ടിപ്പാടുന്നു മഴ!

നടവരമ്പത്തൊരു

കുട്ടിയുണ്ടതിന്‍കൈയില്‍

പുസ്തകം പൊതിച്ചോറും

കുടയായൊരു തൂശനിലയും

അതു കൊത്തിക്കുടയുന്നുവോ

മഴക്കാറ്റിന്റെ കാക്കക്കൂട്ടം

.എന്‍.വി

എല്ലാവര്‍ക്കും ഒരു കാല്‍ ഷീറ്റ് പേപ്പര്‍ നല്‍കുക . ചെറിയ സ്കെച്ച് പേന പാക്കറ്റ് ,ക്രയോണ്‍ എന്നിവ ക്ലാസ്സില്‍ കരുതണം. ചാര്‍ട്ടില്‍ എഴുതിയ ഈ കവിത വായിച്ച് കവിതയല്‍ പറഞ്ഞത് ചിത്രമാക്കി വരക്കാന്‍ പറയുക. (5 മിനുറ്റ്) ആശയത്തോട് അടുത്തു നില്‍ക്കുന്ന ചിത്രം എല്ലാവരേയും കാണിക്കുന്നു. അധ്യാപിക കവിത ചൊല്ലുന്നു. കാക്കക്കൂട്ടം എന്താണ്? കുട്ടിയുടെ കുടയുടെ പ്രത്യേകത, കൊത്തിക്കുടയുന്നരീതി? ലഘുചര്‍ച്ച.

മഴയെക്കുറിച്ച് ഓരോരുത്തര്‍ക്കും ഓരോ അനുഭവങ്ങള്‍ പറയാനുണ്ടാകും. ഒഎന്‍.വി ക്ക് ഉണ്ടായ കാഴ്ചയാണ് കവിതയിലെ പ്രമേയം

എങ്കില്‍ നിങ്ങള്‍ക്ക് മഴയുമായി ബന്ധപ്പെട്ട എന്ത് അനുഭവമാണ് പങ്കുവെക്കാനുള്ളത്?

മോഡ്യൂളും പ്രസന്റേഷനും ഡൌണ്‍ ലോഡു ചെയ്യാംക്ലാസ്സ് പി.ടി.എ മോഡ്യൂള്‍ & പ്രസന്റേഷന്‍

ITE EMPOWERMENT


അധ്യാപക പരിശീലന കേന്ദ്രങ്ങളുടെ ശാക്തീകരണം

പാലക്കാട് ജില്ലയില്‍ 14 ഐ.ടി.ഇ കള്‍ ഉണ്ട്. ഇവയുടെ പ്രവര്‍ത്തനങ്ങള്‍ക്ക് ഏകോപനം ഉണ്ടാക്കാനും ജില്ലയിലെ ഐ.ടി.ഇ കളില്‍ ഗുണനിലവാരമുള്ള അധ്യാപക വിദ്യാഭ്യാസം ഉറപ്പു വരുത്താനും പാലക്കാട് ഡയറ്റ് ലക്ഷ്യമി ടുന്നു .ഇതിനുള്ള പ്രാരംഭ നടപടി എന്ന നിലക്ക് എ്ലലാ മാസവും ഐ.ടി.ഇ പ്രിന്‍സിപ്പല്‍ മാരുടെ ഏക ദിന പരിശീലനം ആസൂത്രണം ചെയ്തിട്ടുണ്ട്. ജൂണ്‍ മാസം മുതല്‍ ഇത്തരം പരിശീലന പരിപാടി നടന്നു തുടങ്ങി. ഏക ദിന പരിശീലന പരിപാടി  പ്രിന്‍സിപ്പല്‍ മാരുടെ ശേഷീ വികസനത്തിന് കൂടി പ്രയോജനപ്പെടും വിധമാണ് നടത്തുന്നത്.പാലക്കാട് ജില്ലയില്‍ 14 ഐ.ടി.ഇ കള്‍ ഉണ്ട്. ഇവയുടെ പ്രവര്‍ത്തനങ്ങള്‍ക്ക് ഏകോപനം ഉണ്ടാക്കാനും ജില്ലയിലെ ഐ.ടി.ഇ കളില്‍ ഗുണനിലവാരമുള്ള അധ്യാപക വിദ്യാഭ്യാസം ഉറപ്പു വരുത്താനും പാലക്കാട് ഡയറ്റ് ലക്ഷ്യമി ടുന്നു .ഇതിനുള്ള പ്രാരംഭ നടപടി എന്ന നിലക്ക് എ്ലലാ മാസവും ഐ.ടി.ഇ പ്രിന്‍സിപ്പല്‍ മാരുടെ ഏക ദിന പരിശീലനം ആസൂത്രണം ചെയ്തിട്ടുണ്ട്. ജൂണ്‍ മാസം മുതല്‍ ഇത്തരം പരിശീലന പരിപാടി നടന്നു തുടങ്ങി. ഏക ദിന പരിശീലന പരിപാടി  പ്രിന്‍സിപ്പല്‍ മാരുടെ ശേഷീ വികസനത്തിന് കൂടി പ്രയോജനപ്പെടും വിധമാണ് നടത്തുന്നത്. ഈ മാസത്തെ പരിശീലനം സെമിനാര്‍ രൂപത്തിലാണ് നടത്തിയത്. അഞ്ച് മേഖലകളില്‍ ജില്ലയുടെ നയം രൂപപ്പെടുത്തും വിധമാണ് പ്രവര്‍ത്തനങ്ങ ള്‍  നല്‍കിയത്. റഫറന്‍സ്,വിദഗ്ദരായ എഡുക്കേഷന്‍ പ്രവര്‍ത്തകരുമായുള്ള ചര്‍ച്ച എന്നിവയിലൂടെ ശേഖരിക്കുന്ന വിവരങ്ങള്‍ ഉപയോഗിച്ച് ഓരോ ഗ്രൂപ്പും തയ്യാറാക്കുന്ന സെമിനാര്‍ പേപ്പര്‍ സദസ്സില്‍ അവതരിപ്പിച്ച് ചര്‍ച്ചയിലൂടെ കൂട്ടിച്ചേര്‍ക്കലുകള്‍ വരുത്തി വിപുലപ്പെ ടുത്തി നല്‍കുക എന്നതായിരുന്നു രീതി. പ്രിന്‍സിപ്പല്‍ മാര്‍ക്ക് വിവരശേഖര ണത്തിലും  അവതരണത്തിലും ധാരണ കള്‍  നല്‍കാന്‍ പരിശീലനത്തിനായി. കൂടാതെ അടുത്തമാസത്തെ കലണ്ടര്‍ ഉള്‍പ്പെടെ ആസൂത്രണമേഖലക്ക് ഊന്നല്‍ നല്‍കാനും പരിശീലനത്തിനായി.

 

ITE PRINCIPAL MEET DOCUMENTATION മുഴുവനായി ഡൌണ്‍ലോഡുചെയ്യാം

LAB SCHOOL EMPOWERMENT


ഓണം ഭാവനയും ,കഥയും ചരിത്രവുമൊക്കെ അടങ്ങുന്ന ഒരു പ്രതീക്ഷയാണ്. സമൃദ്ധിയുടെ ഈ മാവേലിക്കാലം നമുക്കും അടയാളപ്പെടുത്താം, ചില പ്രവര്‍ത്തനങ്ങളിലൂടെ

(ദീര്‍ഘ അവധിക്കാലം …… ആഘോഷത്തിന്റെ ആഹ്ലാദം കളയാതെ പഠനത്തിന്റെ തുടര്‍ച്ച നിലനിര്‍ത്താനായി കുട്ടികള്‍ക്കു നല്‍കുന്ന ചെറിയൊരു പ്രവര്‍ത്തന സമാഹാരമാണ് ഇത്. ഇതിന്റെ തുടര്‍ച്ച അപൂര്‍വ്വങ്ങളായ ഓണപ്പാട്ടുകളുടെ ശേഖരവും, മറക്കാത്ത ഓണത്തിന്റെ നിറമുള്ള ഓര്‍മ്മക്കുറിപ്പുകളും ആയിരിക്കും.ഇത് വിദ്യാലയത്തിന്റെ അച്ചടിച്ച വാര്‍ത്താപത്രികക്ക് വിഭവങ്ങളുമാകും)

ഓര്‍മ്മയിലെ ഓണം

  • പത്രങ്ങള്‍, ടി.വി , മാസികകള്‍ എന്നിവയില്‍ വരുന്ന ഓണമോര്‍മ്മകള്‍ വായിച്ചുവോ? ഓരോ കേരളീയനും ഓണം മധുരമായ ഒരോര്‍മ്മയാണ്.വീട്ടിലെ /അടുത്ത വീട്ടിലെ ഏറ്റവും മുതിര്‍ന്ന വ്യക്തിയുടെ കുട്ടിക്കാലത്തെ ഓണാനുഭവം ചോദിച്ചറിഞ്ഞ് ഓര്‍മ്മയിലെ ഓണം എന്ന ഒരു കുറിപ്പ് തയ്യാറാക്കുക.

ഓണപ്പാട്ടുകള്‍ തേടിനടക്കാം

  • തെക്കേക്കര വടക്കേക്കര കണ്ണാന്തളി മുറ്റത്തൊരു തുമ്പ മുളച്ചേ……നാട്ടിടവഴിയിലെ വേലിപ്പൊന്തകളിലും കുന്നിന്‍ ചെരുവിലും പൂ തേടിപ്പോകുന്ന കുട്ടികള്‍ പാടിയ പാട്ട്. അങ്ങനെ ഓണത്തെ വരവേല്‍ക്കാനും ,ഓര്‍മ്മിക്കാനും എത്രയെത്ര പാട്ടുകള്‍ കവിതകള്‍! ഓണവുമായി ബന്ധപ്പെട്ട ഇത്തരം പാട്ടുകളും കവിതകളും ശേഖരിച്ച് ഒരു ഓണപ്പാട്ടു ശേഖരം നിര്‍മ്മിക്കാം. അതിലേക്ക് ഓരോ കൂട്ടുകാരും പരമാവധി പാട്ടും കവിതയും ശേഖരിച്ചു കൊണ്ടുവരട്ടെ. ബാലമാസികകളിലെ കവിതയും പാട്ടും പ്രോത്സാഹിപ്പിക്കരുത് മുതിര്‍ന്നവരോടു ചോദിച്ചും പഴയകാല പാഠപുസ്തകങ്ങള്‍ തിരഞ്ഞും ആരും അധികം കേള്‍ക്കാത്ത കവിതയും പാട്ടും ശേഖരിക്കുന്ന കുട്ടിക്ക് സമ്മാനം നല്‍കും.

ഓണ വിഭവങ്ങള്‍

  • ഉപ്പേരി പപ്പടം തിന്നുതിന്നി

    ട്ടുള്ള രുചിയും പറപറന്നു

    നേന്ത്രപ്പഴത്തോടു മല്ലടിച്ചു

    കോന്ത്രപ്പല്ലൊക്കെത്തകര്‍ന്നും പോയി

    മാവേലീ നിന്റെ വരവുമൂലം

    പാവങ്ങള്‍ കഷ്ടത്തിലായി ഞങ്ങള്‍മാവേലിയുടെ വരവുകൊണ്ട് തിന്നു തിന്ന് രുചിയും പല്ലും പോയ കുട്ടികളുടെ അനുഭവം വിവരിക്കുകയാണ് കവി അക്കിത്തം.നിങ്ങളുടെ വീട്ടില്‍ എന്തൊക്കെ വിഭവങ്ങള്‍ ഉണ്ടായിരുന്നു. ഏതെങ്കിലും ഒരു വിഭവം ഉണ്ടാക്കുന്നതിന്റെ പാചക രീതി ചോദിച്ചിറിഞ്ഞ് എഴുതി വരൂ.

ഓണച്ചൊല്ലും ശൈലികളും

  • കാണം വിറ്റും ഓണം ഉണ്ണണംഓണം മലയാള ഭാഷക്ക് ഒട്ടേറെ ചൊല്ലുകളും, ശൈലി കളും സംഭാവനചെയ്തിട്ടുണ്ടല്ലോ? അവ ശേഖരിച്ച് എഴുതുക

ഓണത്തിന്റെ കണക്ക്

  • ഈ ഓണത്തിന് നിങ്ങളുടെ വീട്ടില്‍ എന്തൊക്കെ വാങ്ങി ഓരോന്നിനും എത്ര രൂപ ചെലവായി .ഓണത്തിന് നിങ്ങളുടെ കുടുബം ആകെ ചെലവാക്കിയ തുക കണ്ടെത്തൂ. വസ്ത്രം,പലചരക്ക്, പാല്‍, അങ്ങനെ ഓരോന്നിന്റേയും അളവും വിലയും രക്ഷിതാക്കളോട് ചോദിച്ച് എഴുതി കൂട്ടട്ടെ? വരവ് എത്രയുണ്ടായി? ചിലവു് എത്ര? കടം വാങ്ങിയോ? എന്നിങ്ങനെ ചില യാഥാര്‍ത്ഥ്യബോധം ഉളവാക്കുന്ന തലത്തിലേക്കും ഈ പ്രവര്‍ത്തനം നയിക്കപ്പെടണം.

ഓണാനുഭവം

  • ഓണക്കളികള്‍, ഓണക്കാഴ്ചകള്‍, ഓണാഘോഷങ്ങള്‍,ഓണച്ചന്ത, ഓണപ്പതിപ്പുകള്‍ വായന, ഓണക്കാലത്തെ ടി.വി പരിപാടികള്‍, ഓണക്കാലത്തെ ചെടികളുടെ ഭാവമാറ്റം, ഓണക്കാലത്തെ പത്രങ്ങളുടെ പ്രത്യേകത എന്തും അനുഭവങ്ങളാണ് ഇവയോരോന്നിന്റേയും രേഖപ്പെടുത്തല്‍ ദിവസവും ഡയറിരൂപത്തിലും അതില്‍നിന്ന് തെരഞ്ഞെടുത്ത ഒന്ന് അനുഭവക്കുറിപ്പായും നല്‍കാന്‍ ആവശ്യപ്പെടാം.

ഈ ഓണത്തിനുള്ള നിര്‍ദ്ദേശങ്ങള്‍ പഠനം മറക്കാതിരിക്കാനും കൂടിയാകട്ടെ . ഈ ശേഖരങ്ങള്‍ എല്ലാം ചേര്‍ത്ത് ഓരോ കുട്ടിയും എന്റെ ഓണം എന്ന കയ്യെഴുത്ത് മാഗസിന്‍ നിര്‍മ്മിക്കട്ടെ.ഓരോ ക്ലാസ്സിലും മികച്ച കയ്യെഴുത്ത് മാസികക്ക് സമ്മാനം നല്‍കു. ഇതില്‍ നിന്നും തെരഞ്ഞെടുക്കുന്ന അപൂര്‍വ്വവും നൂതനവുമായി ഇനങ്ങള്‍ ശേഖരിച്ച് ഒരു സ്കൂള്‍ വാര്‍ത്താപത്രികയും മനസ്സില്‍കാണുമല്ലോ?

ഓണം പ്രവര്‍ത്തനസമാഹാരം ഡൌണ്‍ലോഡുചെയ്യാം

ഡി.എഡ് കലാമേള


ഡി.എഡ് കലാമേള

 

ചെര്‍പുളശ്ശേരി ഐഡിയല്‍ ഐ.ടി.ഇ യില്‍ വെച്ചു നടന്ന 2017 -18 വര്‍ഷത്തെ ഡി.എഡ് കലാമേളയില്‍ തുടര്‍ച്ചയായി രണ്ടാം തവണയും പാലക്കാട് ഡയറ്റ് കലാകിരീടം നേടി. 98 പോയിന്റോടെ തൊട്ടടുത്ത സ്ഥാനക്കാരായ കരുണ ഐ.ടി യേക്കാള്‍ ഏറെ മുന്നിലെത്തിയാണ് കിരീടം നിലനിര്‍ത്തിയത്. കഴിഞ്ഞ വര്‍ഷത്തെ കലാമേളയില്‍ സംസ്ഥാന തലത്തില്‍ സംഘഗാനത്തിന് രണ്ടാം സ്ഥാനം പാലക്കാട് ഡയറ്റ് നേടിയരുന്നു.

 

 

LAB SCHOOL EMPOWERMENT


LAB SCHOOL EMPOWERMENT

ഡയറ്റ് പാലക്കാട്

Master Plan For Model School

സ്വാമിനാഥ വിദ്യാലയത്തില്‍ 9/8/2017 ന് സ്കൂള്‍ വികസന സമിതി യോഗത്തിന്റെ മിനുറ്റ്സ്.

ദര്‍ശനം( Vision-2020 )

പാലക്കാട് ഡയറ്റിന്റെ ലാബ് സ്കൂളായ സ്വാമിനാഥ വിദ്യാലയം അന്താരാഷ്ട്ര നിലവാരമുള്ള മോഡല്‍ സ്കൂളാക്കി മാറ്റുക

ദൌത്യം (Mission)

സ്കൂള്‍ വികസന സമിതി വിപുലീകരിച്ച് വിവിധ സാധ്യതകള്‍ പ്രയോജനപ്പെടുത്തി വിവിധ പദ്ധതികളിലൂടെ ഇത് നേടിയെടുക്കുക

നടന്ന പ്രവര്‍ത്തനങ്ങള്‍

  • സ്കൂള്‍ പി.ടി.എ എം.ടി.,എസ്.ആര്‍.ജി തുടങ്ങിയവയില്‍ ആശയ രൂപീകരണ ചര്‍ച്ചകള്‍

  • സ്കൂള്‍ ജനറല്‍ ബോഡി യോഗത്തില്‍ ആശയരൂപീകരണം

  • പ്രതിനിധി സംഘം നിയോജകമണ്ഡലം എം.എല്‍., ജില്ലാ പഞ്ചായത്ത് വൈസ് പ്രസിഡന്റ് ,പഞ്ചായത്ത് പ്രസിഡന്റ് എന്നിവരെകണ്ട് സ്കൂളിന്റെ വികസന സങ്കല്‍പ്പം അവതരിപ്പിക്കുന്നു

  • എം.എല്‍എ , ജില്ലാ പഞ്ചായത്ത് വൈസ് പ്രസിഡന്റ്, ബ്ലോക്ക് പ്രസിഡന്റ് ,പഞ്ചായത്ത് പ്സിഡന്റ്,വാര്‍ഡ് മെമ്പര്‍ ,സ്ഥലത്തെ പ്രധാന രാഷ്ട്രീയ പാര്‍ട്ടി പ്രവര്‍ത്തകര്‍, വിദ്യാഭ്യാസ പ്രവര്‍ത്തകര്‍, പൌരമുഖ്യര്‍ എന്നിവരെ പങ്കെടുപ്പിച്ച് സ്കൂള്‍ വികസന സമിതി വിപുലീകരണവും മാസ്റ്റര്‍ പ്ലാന്‍ രൂപീകരണ ചര്‍ച്ചയും നടത്തി.

  • പി.ടി.എ ഉള്‍പ്പെടുന്ന പ്രത്യേക വികസന സമിതിക്ക് മാസ്റ്റര്‍ പ്ലാന്‍ തയ്യാറാക്കാനുള്ള ചുമതല നല്‍കി.

  • കമ്മിറ്റി മാസ്റ്റര്‍ പ്ലാന്‍ തയ്യാറാക്കാന്‍ ഈ രംഗത്ത് പ്രഗല്‍ഭരായ പലരേയും സമീപിച്ചു. വലിയ തോതില്‍ പണച്ചെലവില്ലാതെ ഇത് തയ്യാറാക്കിത്തരാന്‍ ചന്ദ്രന്‍ സര്‍ എന്ന റിട്ട എഞ്ചിനീയറെ കണ്ടെത്തി. മാസ്റ്റര്‍ പ്ലാന്‍ തയ്യാറാക്കാനുള്ള ആശയങ്ങള്‍ അവതരിപ്പിക്കാന്‍ 10/8/2017 ന് വികസനസമിതി യോഗം നടത്തി.

മാസ്റ്റര്‍ പ്ലാന്‍ ചര്‍ച്ചയിലെ തീരുമാനങ്ങള്‍

  1. അക്കാദമികം, ഭൌതികം , സാമൂഹികം എന്നിങ്ങനെ മൂന്ന് മേഖലകളിലും സമഗ്ര മാറ്റം വിഭാവനം ചെയ്യുന്ന ഒട്ടേറെ പ്രവര്‍ത്തനങ്ങള്‍ ചര്‍ച്ചചെയ്തു.

  2. നിലവിലെ കെട്ടിടങ്ങളില്‍ പ്രാര്‍ത്ഥനാ ഹാള്‍ ഉള്‍പ്പെടെ പൈതൃക കെട്ടിടങ്ങള്‍ സംരക്ഷിക്കുകയും പാചകപ്പുര മുതല്‍ മേലോട്ട് മൂന്നു നില ക്ലാസ്സ് മുറികള്‍, ചില്‍ഡ്രണ്‍ പാര്‍ക്ക് ഉള്‍പ്പെടെ ആകര്‍ഷക സംരഭങ്ങള്‍ , വിശാലമായ ഭക്ഷണസശാല ഫലപ്രദമായ മാലിന്യസംസ്കരണം, മേല്‍ക്കൂരയോടു കൂടിയ ഓപ്പണ്‍ ഓഡിറ്റോറിയം എന്നിങ്ങനെ വിവിധ പദ്ധതികള്‍ ദൌത്യത്തിന്റെ ഭാഗമാക്കാന്‍ ധാരണയായി. (വിശദമായ പദ്ധതി നിര്‍ദ്ദേശം അനുബന്ധം)

  3. ആഗസ്റ്റ് 25 ന് കരട് സ്കെച്ചും പ്ലാനും അവതരിപ്പിക്കും. ഇതുമായി രണ്ടാം വട്ട കൂടിക്കാഴ്ച്ച കള്‍ നടത്തും( എം.പി മാര്‍,എം.എല്‍എ,ജില്ലാ പഞ്ചായത്ത്)

  4. ഇതിന്റെ അടിസ്ഥാനത്തില്‍ വിപുലീകരിച്ച മാസ്റ്റര്‍ പ്ലാനും, എസ്റ്റിമേറ്റ് തയ്യാറാക്കലും നടത്തും.

  5. ആദ്യ നിര്‍മ്മാണ പ്രവര്‍ത്തനങ്ങള്‍ ഏപ്രില്‍ മാസം മുതല്‍ ആരംഭിക്കും വിധം പ്രവര്‍ത്തനങ്ങള്‍ക്ക് വേഗതകൂട്ടും.

    എസ്.ആര്‍.ജി മിനുറ്റ്സ്

പ്രധാനാധ്യാപക പരിശീലനം ജൂലൈ 2017


ഡയറ്റ് പാലക്കാട്

പ്രധാനാധ്യാപക പരിശീലനംജൂലൈ 2017 മോഡ്യൂള്‍

————————————————————————————————————————

പൊതു വിദ്യാഭ്യാസ സംരക്ഷണയജ്ഞം പ്രോജക്ടിന്റെ ഉണര്‍വ്വ് വിദ്യാഭ്യാസ മേഖലയില്‍ പ്രതിഫലിച്ചുകൊണ്ടിരിക്കുന്ന സമയത്താണ് ഈ പ്രധാനാധ്യാപക പരിശീലനം നടക്കുന്നത്. സംസ്ഥാന തലത്തില്‍ ,എസ്.എസ്.,എസ്.സി..ആര്‍.ടി ,സീമാറ്റ് എന്നീ സ്ഥാപനങ്ങളും വിദ്യാഭ്യാസ വകുപ്പും സംയുക്തമായി തയ്യാറാക്കിയ പ്രവര്‍ത്തന കലണ്ടറും , കുട്ടികളുടെ പഠനസ മയം നഷ്ടപ്പെടുത്തുന്ന പരിശീലനങ്ങള്‍ നടത്തരുതെന്ന നിര്‍ദ്ദേശവും വിദ്യഭ്യാസരംഗത്തെ നയം മാറ്റത്തിന്റെ തെളിവാണ്.പൊതു വിദ്യാഭ്യാസസ്ഥാപനങ്ങളുടെ ഗുണനിലവാരവും , ഭൌതിക സൌകര്യങ്ങളുടെ മെച്ചപ്പെടലിനും അന്താരാഷ്ട്ര നിലവാരമുള്ള ഹൈടെക് സ്കൂളുകള്‍ എന്ന ലക്ഷ്യത്തിലേക്ക് ഒരു സബ് ജില്ലയില്‍ മൂന്ന് ഹൈസ്കൂളുകളെങ്കിലും ഉയരുക എന്ന തീരുമാനവും നടപ്പിലായി വരുന്നു. ഗുണനിലവാര വര്‍ദ്ധനവിനായി ജില്ലാ പഞ്ചായത്ത് നടപ്പാക്കുന്ന പദ്ധതികള്‍ വിശദമാക്കാനായി ജില്ലയിലെ 95 പഞ്ചായത്തിലും, നാല് മുന്‍സിപ്പാലിറ്റികളിലും അധ്യാപക സംഗമവും നടന്നുകഴിഞ്ഞു. നടക്കാന്‍ പോകുന്ന ക്ലസ്റ്റര്‍ പരിശീലനത്തില്‍ പ്രധാനാധ്യാപകര്‍ വഹിക്കേണ്ട പങ്ക് തിരിച്ചറിയാനും, മാറുന്ന കാലത്തെ വിദ്യാലത്തിന്റെ നേതൃത്വം വഹിക്കാന്‍ പ്രധാനാധ്യാപകര്‍ക്ക് വേണ്ട പിന്തുണയും ധാരണകളും നല്‍കാനുമാണ് ഈ പരിശീലനം

പൊതുലക്ഷ്യംപൊതു വിദ്യാഭ്യാസ സംരക്ഷണയജ്ഞം വിജയിപ്പിക്കാനും ഗുണനിലവാരം ഉയര്‍ത്താനും വിദ്യാലയങ്ങളുടെ മേലധികാരി എന്ന നിലക്ക് വൈവിധ്യമാര്‍ന്ന പ്രവര്‍ത്തനങ്ങള്‍ ആസൂത്രണം ചെയ്ത് നടപ്പാക്കാനും വിവിധ ഏജന്‍സികളെ ഏകോപിപ്പിക്കാനും പ്രധാനാധ്യാപകര്‍ക്ക് ധാരണയും പിന്തുണയും നല്‍കുക.

ഉപലക്ഷ്യങ്ങള്‍

  1. ഗുണനിലവാര വര്‍ദ്ധനവിനായി വിദ്യാലയത്തില്‍ നടത്തുന്ന പ്രധാന പ്രവര്‍ത്തനങ്ങള്‍, തെളിവുകള്‍ അവതരണം ( ഫോര്‍മാററ് പൂരിപ്പിക്കുകയും ഏതാനം അവത രണങ്ങളും. (വായനമാത്രം) ദിര്‍ഘ പ്രസംഗങ്ങളും , പൊതു പ്രവര്‍ത്തനങ്ങളുടെ വിശദീകരണങ്ങളും ഒഴിവാക്കി ഗുണനിലവാരം ഉയര്‍ത്തുന്നതും തെളിവുകളുടെ പിന്‍ബലം ഉള്ളതും മാത്രം അവതരിപ്പിപ്പിക്കാന്‍ നിര്‍ദ്ദേശിക്കണം)

  2. ആഗസ്റ്റ് 5 നു നടക്കുന്ന ക്ലസ്റ്റര്‍ പരിശീലനത്തിന്റെ സ്കൂള്‍ തല പ്രതിഫലനങ്ങള്‍ തിരിച്ചറിയുക.അവ ഫലപ്രദമായി നടപ്പാക്കാന്‍ വേണ്ട തന്ത്രങ്ങളും ,വിലയിരുത്തല്‍ രീതിയും ധാരണനേടല്‍. (ആസൂത്രണം, നിര്‍വ്വഹണം,വിലയിരുത്തല്‍)

  3. എസ്.എസ്.എ നടപ്പാക്കുന്ന മലയാളത്തിളക്കം, ഹലോ ഇംഗ്ലീഷ്, സുരീലി ഹിന്ദി എന്നിങ്ങനെയുള്ള പ്രവര്‍ത്തനങ്ങള്‍ ഏറ്റെടുക്കാനും നടപ്പാക്കാനുമുള്ള ധാരണകള്‍ വികസിപ്പിക്കല്‍

  4. ആഗസ്റ്റ് മാസത്തെ പരീക്ഷ , സി.പി.ടി.എ ഉള്‍പ്പെടെ സ്കൂള്‍ പ്രവര്‍ത്തന കലണ്ടര്‍ രൂപപ്പെടുത്തുക

    മോഡ്യൂള്‍ ഡൌണ്‍ ലോ‍ഡുചെയ്യാംHM TRAINING MODULEjuly29

ഡി.എഡ് ബിരുദദാനച്ചടങ്ങ്


ഡി.എഡ് ബിരുദദാനച്ചടങ്ങ്

പാലക്കാട് ഡയറ്റിലെ ഡി.എഡ് മൂന്നാമത് ബിരുദദാനച്ചടങ്ങ് 22/7/2017 ന് ഡയറ്റ് പ്രാര്‍ത്ഥനാ ഹാളില്‍ വെച്ച് നടന്നു. കാലിക്കറ്റ് സര്‍വ്വകലാശാല മുന്‍സെനറ്റ് അംഗവും ജില്ലാ പഞ്ചായത്ത് വൈസ് പ്രസിഡന്റുമായ ശ്രീ .ടി.കെ നാരായണ ദാസ് ബിരുദദാന പ്രഭാഷണം നടത്തി.ആനക്കര പഞ്ചായത്ത് പ്രസിഡന്റ് സിന്ധു രവീന്ദ്രകുമാര്‍ അധ്യക്ഷത വഹിച്ചു.വാര്‍ഡ് മെമ്പര്‍ വത്സല വിശ്വനാഥ് തദവസരത്തില്‍ സന്നിഹിതയായിരുന്നു.

ഡയറ്റ് പ്രിന്‍സിപ്പല്‍, ലക്ചറര്‍മാരായ ഡോ രാമചന്ദ്രന്‍, നിഷ എന്നിവര്‍ ചടങ്ങില്‍ പങ്കെടുത്തു. നേരത്തെ വര്‍ക് എക്സ്പീരിയന്‍സ് ക്യാമ്പില്‍ വെച്ച് സുബിന്‍ മാസ്റ്ററുടെ നേതൃത്വത്തില്‍ നിര‍മ്മിച്ച ബിരുദത്തൊപ്പി വച്ചാണ് കുട്ടികള്‍ ബിരുദ സര്‍ട്ടീഫിക്കറ്റ് ഏറ്റുവാങ്ങിയത്.സര്‍ട്ടീഫിക്കറ്റ് ഏറ്റുവാങ്ങിയശേഷം കുട്ടികള്‍ ബിരുദ പ്രതിജ്ഞയെടുത്തു.

 

 

 

 

ജൂണിലെ സി.പി.ടി.എ


ക്ലാസ്സ് പി.ടി.എ മോഡ്യൂള്‍

ഡയറ്റ് പാലക്കാട്

( സ്വാമിനാഥ വിദ്യാലയത്തിന് തയ്യാറാക്കി നല്‍കിയത്)

കേരളത്തിലെ പൊതു വിദ്യാഭ്യാസ രംഗത്ത് പുത്തന്‍ ഉണര്‍വ്വുണ്ടാക്കുന്നതിനായി ഗവര്‍മ്മെന്റ് പൊതു വിദ്യാഭ്യാസ സംരക്ഷണം,ഹരിത കേരളം എന്നിങ്ങനെയുള്ള പദ്ധതികള്‍ ആവിഷ്കരിച്ച് നടപ്പാക്കിവരികയാണ്. ഇത്തരം ഇടപെലുകളുടെ ഫലമായി കേരളത്തില്‍ പൊതു വിദ്യാലയങ്ങളില്‍ കുട്ടികള്‍ വര്‍ദ്ധിച്ചുവരുന്നു.പൊതു വിദ്യാലങ്ങളെ രക്ഷിതാക്കള്‍ വിശ്വാസ ത്തിലെടുക്കുന്നതിന്റെ തെളിവാണ് ഇത്. രക്ഷിതാക്കളുടെ ഈ വിശ്വാസം നിലനിര്‍ത്താനും , അവരുടെ പ്രതീക്ഷയെ നിറവേറ്റാനും ഇനി ഗുണനിലവാരം ഉയര്‍ത്താനുള്ള നടപടികള്‍ നാം കൂടുതല്‍ ശക്തിപ്പെടുത്തണം.

സെഷന്‍ ഒന്ന് -20 മിനുറ്റ്

പ്രീ ടെസ്റ്റ് ഫല വിശകലനം

പ്രീ ടെസ്റ്റില്‍ ഉന്നയിച്ച് പ്രവര്‍ത്തനങ്ങളുടെ പഠന നേട്ടങ്ങള്‍, അതില്‍ കുട്ടിയുടെ പ്രകടനം ഇവ വെച്ച് ഒരു ലഘു അവതരണം നടത്തണം

ഉദാ

വായിച്ച് ആശയം ഗ്രഹിക്കുന്നു. എന്ന പഠന നേട്ടം ഉറപ്പു വരുത്താന്‍ രണ്ടു പ്രവര്‍ത്തനം നല്‍കി 1) കുളത്തിലെ മീനുകള്‍ എന്ന കഥ വായിക്കാന്‍ നല്‍കി. തുടര്‍ന്ന് കഥ വായിച്ച് ആശയങ്ങള്‍ നേടിയോ എന്നറിയാന്‍ മൂന്ന് ചോദ്യങ്ങള്‍ നല്‍കി.കുട്ടികളെക്കൊണ്ട് ഉത്തരം സ്വയം എഴുതിച്ചു.

2) വയലിന്റെ വിവരണം വായിക്കാന്‍ നല്‍കി ആശയങ്ങള്‍ ക്രമം തെറ്റിച്ച് 4 വാക്യം നല്‍കി .വായിക്കാന്‍ അറിഞ്ഞാല്‍ ക്രമത്തിലാക്കാന്‍ പറ്റുന്ന പ്രവര്‍ത്തനമാണത്.

3) ഒരു പദ സൂര്യന്‍ നിര്‍മ്മിക്കുന്ന പ്രവര്‍ത്തനമാണ് മൂന്നാമത് നല്‍കിയത്.ഇത് വീടിന്റെ വിവരണത്തില്‍ നിന്നും പദങ്ങള്‍ വായിച്ചെടുത്ത് പൂരിപ്പിക്കേണ്ടതാണ്. പദങ്ങള്‍ വായിച്ച് തെരഞ്ഞെടുക്കാനുള്ള കഴിവുണ്ടോ? എന്നാണ് ഇതിലൂടെ അറിയുക

എഴുതിയ ഉത്തരങ്ങള്‍ പരിശോധിച്ചപ്പോള്‍

ഒന്നാമത്തെ പ്രവര്‍ത്തനത്തില്‍ ശരിയായ ഉത്തരം തെറ്റു കൂടാതെ എഴുതിയവര്‍– 45 ല്‍ 20പേര്‍

അതായത് ഇവര്‍ക്ക് നല്ല രീതിയില്‍ വായിക്കാനും ആശയം ഗ്രഹിക്കാനും കഴിവുണ്ട്

എന്നാല്‍ ഈ പ്രവര്‍ത്തനത്തില്‍ പിറകിലാണെങ്കിലും ക്രമപ്പെടുത്താന്‍ കഴിഞ്ഞവരുണ്ട്. അവര്‍ക്ക് വായിക്കാന്‍ അറിയാം. ഏറെക്കുറെ ആശയങ്ങളും കണ്ടത്താനാവും എന്നാല്‍ പൂര്‍ണ മായ രീതിയില്‍ ഇല്ല. ഇവര്‍-45 ല്‍ 9 പേര്‍ ഈ തരക്കാരാണ്.

പദങ്ങള്‍ വായിക്കാനും തെറ്റാതെ എഴുതാനും കഴിഞ്ഞവര്‍– 45 ല്‍ 6 പേര്‍

ചിഹ്നം,ദീര്‍ഘം,പുള്ളികള്‍ ഇവ തെറ്റിച്ച് ആശയം വ്യക്തമായി എഴുതാന്‍ കഴിയാത്തവര്‍– 45/4

അക്ഷരം മുഴുവന്‍ ലഭിക്കാതെ, എല്ലാ ചിഹ്നങ്ങളുംതെറ്റിച്ചും എഴുതുന്നവരും തീരെ എഴുതാത്ത വരും– 45/6 അതായത് 20 ,ഗ്രേഡ് 9 ബി ഗ്രേഡ്, 6 സി ഗ്രേഡ്, 4 ഡി ഗ്രേഡ്, 6 ഇ ഗ്രേഡ്

25 പേരെ ആദ്യ 20 പേരുടെ നിലയിലേക്ക് ഉയര്‍ത്തലാണ് ലക്ഷ്യം

സെഷന്‍ 2 20 മിനുറ്റ്

ഇതിന്നായി വരാന്‍ പോകുന്ന പാഠഭാഗങ്ങളില്‍ നല്‍കുന്ന പഠനനേട്ടങ്ങള്‍അവക്കു നല്‍കുന്ന പ്രവര്‍ത്തനങ്ങള്‍

ഉദാ നാലാം ക്ലാസ്സിലെ കുട്ടി ആദ്യത്തെ യൂണിറ്റില്‍ ഭാഷയില്‍ ചെയ്യുന്ന പ്രവര്‍ത്തനങ്ങള്‍ വായനക്കു നല്‍കുന്നു.വിശദാംശങ്ങള്‍ ചര്‍ച്ച ചെയ്യുന്നു.അനുബന്ധം)

ഇതില്‍ കുട്ടിയെ രക്ഷിതാവ് എങ്ങനെ സഹായിക്കണം

  1. വീട്ടില്‍ വന്നാല്‍ സ്കളില്‍ അന്നു പഠിച്ചതെന്തൊക്കെയെന്നു ചോദിക്കുക

  2. നാളേക്ക് തയ്യാറാക്കാനുള്ളഎഴുതാനുള്ളവ എന്തെന്ന് ചോദിക്കുക .കുട്ടി ഒന്നു മില്ല എന്നു പറയുന്നത് മാത്രം പരിഗണിക്കരുത്.വേണമെങ്കില്‍ അധ്യാപിക ,അടുത്ത കൂട്ടുകാരന്‍ /കൂട്ടുകാരി എന്നിവരെ വിളിച്ച് കാര്യങ്ങള്‍ അന്വേഷിക്കാം

  3. പഠന സമയം കൃത്യതപ്പെടുത്തുക. 7 മുതല്‍ 8.30 വരെ പുസ്തകം വായന,നാളേക്കുള്ള പ്രവര്‍ത്തനം ചെയ്യല്‍ എന്നിവ ഉറപ്പാക്കുക.ഈ സമയം ടി.വി കാണാന്‍ അനുവദിക്കരുത്.നിങ്ങളും അതു പാലിക്കുക

  4. ……..ഇതുപോലെ പ്രസക്തമായവ

സെഷന്‍ 3

എന്താണ് പൊതു വിദ്യഭ്യാസ സംരക്ഷണ യജ്ഞം.ഇതിന്റെ ഭാഗമായി എന്തൊക്കെ മാറ്റം വിദ്യലയത്തില്‍ ഉണ്ടാവുമെന്ന് വിശദമാക്കുക

ഉദാ

  1. പരീക്ഷ പരിഷ്കരിക്കുംചോദ്യബാങ്ക്, രൂപീകരിക്കല്‍,എളുപ്പമുള്ള ചോദ്യങ്ങള്‍ 50% ഉയര്‍ന്ന നിലവാര ചോദ്യങ്ങള്‍ ഉണ്ടാവും മത്സരപ്പരീക്ഷകളെ നേരിടാന്‍ പ്രാപ്തരാക്കാന്‍.കുട്ടിക്ക് ഓപ്ഷന്‍ ലഭിക്കും കുറച്ചു ചോദ്യം സ്വയം തെരഞ്ഞെടുക്കാം.

  2. ഭൌതിക സൌകര്യങ്ങള്‍ വര്‍ദ്ധിക്കും ഹൈ ടെക് സ്കൂള്‍, കമ്പൂട്ടര്‍ പാഠങ്ങള്‍ മുതലാ യവ ലഭ്യമാകും

  3. ഉച്ചഭക്ഷണം നല്ല രീതിയില്‍ ലഭ്യാമാകും ,യൂണിഫോം,ബുക്ക് എന്നിവ സമയബന്ധിത മായി ലഭിക്കും.

  4. ഒന്നാം ക്ലാസ്സുമുതല്‍ ഐ.ടി പഠനം നടത്തും.

    മോഡ്യൂളും അനുബന്ധ സാമഗ്രികളും E_Supporting Material_Malayala ഇവിടെ നിന്നും ഡൌണ്‍ ലോഡുചെയ്യാം

വായനാ പക്ഷാചരണം


ജൂണ്‍ 19 വായനാദിനം

വായനാവാരം വായനാസാമഗ്രി

(തയ്യറാക്കിയത് ഡയറ്റ് (പി.എസ്.ടി.)പാലക്കാട്)

അവധിക്കാല അധ്യാപക പിന്തുണാ പരിപാടിയില്‍ വിശദമായി ചര്‍ച്ചചെയ്ത ഒരു ഊന്നല്‍ മേഖലയായിരുന്നു കുട്ടികളുടെ വായനാ പോഷണപരിപാടി. ഓരോ ക്ലാസ്സിലേയും പാ‍ഠ്യപദ്ധതിക്കും പാഠഭാഗങ്ങള്‍ക്കും അനുപൂരകമായി കുട്ടി വായിക്കേണ്ട പുസ്തകങ്ങള്‍ കണ്ടെത്തി ഓരോ ക്ലാസ്സിലും ലൈബ്രറി രൂപപ്പെടുത്തുക എന്നത് ഭാഷാധ്യാപക പരിശീലനത്തില്‍ എത്തിച്ചേര്‍ന്ന ധാരണയാണ്.സ്കൂള്‍ തനതു ഫണ്ടുകളും, ബാങ്കുകള്‍ പഞ്ചായത്തുകള്‍, ഗ്രന്ഥശാലകള്‍ എന്നിവയുടെ സഹകരണത്തോടെയും ,പൂര്‍വ്വ വിദ്യാര്‍ത്ഥികളേയും രക്ഷിതാക്കളേയും സമീപിച്ചും ഇതിനുവേണ്ട അധിക പുസ്തകങ്ങള്‍ കണ്ടെത്തണം.ഈ വര്‍ഷം ജില്ലാ പഞ്ചായത്ത് നടപ്പാക്കാന്‍ ഉദ്ദേശിക്കുന്ന വായനക്കൂട്ടം എഴുത്തുകൂട്ടം പ്രോജക്ടും, സര്‍വ്വ ശിക്ഷഅഭിയാന്‍ പദ്ധതിയായ വായനാവസന്തവും വായനാ വ്യാപന പരിപാടിയുടെ ഭാഗമാക്കണം. ആശയഗ്രഹണ വായനയുടെപ്രതിഫലനങ്ങളാണ്,വായിച്ച ആശയങ്ങളെ മറ്റു രീതികളില്‍ പുനരാവിഷ്കരിക്കല്‍,വായനാനുഭവം പങ്കുവെക്കല്‍, വായിച്ച വസ്തുതകളെ സംഗ്രഹിച്ചു പറയല്‍, വായനാനുഭവത്തെ വിപുലീകരിക്കല്‍,വായനാനുഭവത്തെ ചിത്രീകരിക്കല്‍,വായനയെ മുന്‍ വായനാനുഭവു മായി താരതമ്യം ചെയ്യല്‍ എന്നിവ. വായന അര്‍ത്ഥപൂര്‍ണമാവുന്നത് വായനാനുഭവത്തെ പുനരുപയോഗിക്കുമ്പോഴാണ്.വായനയെ വിലയിരുത്താനും ഇതിലേതെങ്കിലും തന്ത്രം പ്രയോജനപ്പെടുത്താം.

ജൂണ്‍ പത്തൊമ്പതിന് പി.എന്‍ പണിക്കര്‍ ദിനത്തില്‍ തുടങ്ങുന്ന വായന വര്‍ഷം മുഴുവനും നീണ്ടു നില്‍ക്കുന്നതും, തുടര്‍ന്ന് വായന ഒരു ശീലമാക്കി മാറ്റാന്‍ പ്രേരിപ്പിക്കുകയും വേണം.. ഇതിന് മൂന്ന് തരത്തിലുള്ള പ്രവര്‍ത്തനങ്ങളാണ് നിര്‍ദ്ദേശിക്കുന്നത്

  1. വായനാ പക്ഷാചരണകാലത്ത് എല്ലാ വിദ്യാലയത്തിലും പൊതുവായി നടക്കേണ്ട പ്രവര്‍ത്തനങ്ങള്‍

  2. ഒന്നു മുതല്‍ 10 വരെയുള്ള ക്ലാസ്സുകളില്‍ അധ്യാപകരുടെ ഇടപെടല്‍ വഴി നടക്കേണ്ടവ

  3. വീട് ,ലൈബ്ര റികള്‍ എന്നിങ്ങനെ വായനാ തുടര്‍ച്ചയുമായി ബന്ധപ്പെട്ടവ.

  4. വായനാ വാരത്തില്‍ എല്ലാ വിദ്യാലയത്തിലും പൊതുവായി നടക്കേണ്ട പ്രവര്‍ത്തനങ്ങള്‍

  • വായനാദിനം പി.എൻ. പണിക്കർ അനുസ്മരണം

പൊതുവായില്‍ നാരായണ പണിക്കര്‍ എന്ന ഗ്രന്ഥശാലാ പ്രവര്‍ത്തകനെ അടുത്തറിയുക എന്ന ഈ പ്രവര്‍ത്തനം എല്ലാ വിദ്യാലയത്തിലും അസംബ്ലിയുടെ ഭാഗമായി നടത്താവു ന്നതാണ്.പ്രധാനാധ്യാപകനോ ,സഹാധ്യാപകര്‍ക്കോ അനുസ്മരണ പ്രഭാഷണം നടത്താം . ആവശ്യമെങ്കില്‍ ഇതോടൊപ്പമുള്ള കുറിപ്പ് റഫറന്‍സിനായി പ്രയോജനപ്പെടുത്താം (അധികവായനക്ക് അനുബന്ധം ഒന്ന് ഉപയോഗിക്കുക)

ആലപ്പുഴ ജില്ലയിൽനീലമ്പേരൂരിൽഗോവിന്ദപിള്ളയുടെയും ജാനകിയമ്മയുടെയും മകനായി 1909 മാർച്ച് 1 തീയതി പുതുവായിൽ നാരായണ പണിക്കർ ജനിച്ചു. അദ്ധ്യാപകനായിരുന്നു.1995 ജൂണ്‍ 19 ന് അന്തരിച്ചു. അദ്ദേഹത്തിന്റെ ചരമദിനം വായനാദിനമായി ആചരിക്കുന്നു.1926 ൽ അദ്ദേഹം തൻറെ ജന്മനാട്ടിൽ സനാതനധർമ്മംഎന്ന വായനശാല സ്ഥാപിച്ചു ഒരു സാധാരണ ഗ്രന്ഥശാലാ പ്രവർത്തകനായി പ്രവർത്തനം തുടങ്ങിയ അദ്ദേഹത്തിന്റെ അഹോരാത്രമുള്ള പ്രവർത്തനത്തിന്റെ ഫലമായാണ് കേരള ഗ്രന്ഥശാല സംഘം സ്ഥാപിതമാകുന്നത്. ആയിരക്കണക്കിന് ഗ്രന്ഥശാലകളെ സംഘത്തിന്റെ കീഴിൽ കൊണ്ടുവരാനും അദ്ദേഹത്തിന് കഴിഞ്ഞു.ഗ്രന്ഥശാല ഇല്ലാത്ത ഒരു ഗ്രാമവും കേരളത്തിലുണ്ടാവരുതെന്ന് അദ്ദേഹം ആഗ്രഹിച്ചു. 1970ല്‍ പാറശ്ശാല മുതല്‍ കാസര്‍കോഡ് വരെ പണിക്കരുടെ നേതൃത്വത്തില്‍ കാല്‍നടയായി നടത്തിയ സാംസ്‌കാരിക ജാഥ കേരള ചരിത്രത്തിലെ പ്രധാന ഏടുകളിലോന്നാണ്. ‘വായിച്ചു വളരുക, ചിന്തിച്ചു വിവേകം നേടുക’ എന്നായിരുന്നു ജാഥയുടെ മുദ്രാവാക്യംഗ്രന്ഥശാല പ്രസ്ഥാനത്തിന്റെ നായകൻ, കാൻഫെഡിന്റെ സ്ഥാപകൻ തുടങ്ങി ഒട്ടനവധി സംഭാവനകൾ മലയാളത്തിനു നൽകി. പിന്നീട്കേരള നിയമസഭഅംഗീകരിച്ചകേരള പബ്ലിക്ക് ലൈബ്രറീസ് ആക്റ്റ് അദ്ദേഹത്തിന്റെ സ്വപ്നമായിരുന്നു.1977 ൽ ഗ്രന്ഥശാലാ സംഘം സർക്കാർ ഏറ്റെടുത്തു. അതുവരെ ഗ്രന്ഥശാലാസംഘത്തിൻറെ ജനറൽ സെക്രട്ടറി അദ്ദേഹമായിരുന്നു. ഗ്രന്ഥശാലാ പ്രവർത്തകർ ആദരവോടെ പണിക്കർസാർ എന്ന് വിളിക്കുന്ന അദ്ദേഹം നിർഭാഗ്യവശാൽ കേരളത്തിൻറെ രാഷ്ട്രീയസാഹചര്യങ്ങളിൽപ്പെട്ട് പിന്നീട് ഗ്രന്ഥശാലാസംഘത്തിൻറെ ആരും അല്ലാതായിത്തീരുകയും അദ്ദേഹം മറ്റൊരു പ്രസ്ഥാനം (കേരള അനൗപചാരിക വിദ്യാഭ്യാസ സമിതി)രൂപവത്കരിക്കുകയും അതിന്റെ പ്രവർത്തകനായി മാറുകയും ചെയ്തു.1996 മുതൽ അദ്ദേഹത്തിന്റെ മഹത്ത്വം തിരിച്ചറിഞ്ഞ കേരള സർക്കാരും മലയാളികളും ഇപ്പോൾ അദ്ദേഹത്തിൻറെ ചരമദിനമായ ജൂൺ 19 വായനദിനമായി ആചരിച്ച് അദ്ദേഹത്തെ ആദരിക്കുന്നു. അന്ന് മുതൽ ഒരാഴ്ചക്കാലം വായനവാരമായും ആചരിക്കുന്നു. ലോകമെമ്പാടും വായനാദിനം പുസ്തകദിനം ആചരിക്കുന്നുണ്ട്. ലോകവായനാദിനം ഏപ്രിൽ 23 [ UNESCO] ആണ്.

  • വായനയുടെ ലോകത്തേക്ക്വായനാക്ലബ്ബ് രൂപീകരണം.

വായനയുടെ പ്രാധാന്യത്തെ വെളിപ്പെടുത്തുന്നതിനായി സ്കൂൾ തല യോഗംപ്രഭാഷണം ഏറെ സവിശേഷതകളുള്ള പുസ്തകം പരിചയപ്പെടുത്തൽ നിർദ്ദേശിക്കാനുള്ള ഒന്ന് :The Book Thief – is a novel by Australian author Markus Zusak. First published in 2005, the book won several awards and was listed o The New York Times Best Seller list for 375 weeks.

  • ലൈബ്രറി കാണൽ/വായനശാലാ സന്ദര്‍ശനം

    സ്കൂൾ ലൈബ്രറിയോ അടുത്തുള്ള ഒരു വായനശാലയോ കാണൽ.വിവിധ ഇനം പുസ്തകങ്ങൾ, വിവിധ ഭാഷാപുസ്തകങ്ങൾ , പത്രമാസികകൾ, പുസ്തകം അടുക്കിവെക്കുന്ന രീതി, വായനാ ഇടങ്ങൾ , മാധ്യമങ്ങൾ പത്രം പുസ്തകം മോണിറ്റർ ബുക്ക്റീഡേർസ് … എന്നിവ പരിചയപ്പെടണം. ലൈബ്രറിയില്‍ മെമ്പര്‍ഷിപ്പ് എടുക്കല്‍. ഒരു നോട്ടു പുസ്തകത്തില്‍ കഴിയുന്നത്ര പുസ്തകങ്ങളുടെ പേര് കുറിച്ചെടുക്കണം. ഇത് പിന്നീട് സാഹിത്യ ശാഖയുടെ അടിസ്ഥാനത്തില്‍ വര്‍ഗീകരിക്കാനോ ക്വിസ്സ് പോലുള്ള പ്രവര്‍ത്തനങ്ങള്‍ക്കോ ഉപയോഗിക്കാം.

  • എഴുത്തുകാരെ അറിയാം

    സാഹിത്യകാരന്മാരേയും,നല്ല വായനക്കാരേയും വിദ്യലയങ്ങളിലേക്കു ക്ഷണിക്കാം.അനുഭവങ്ങള്‍ പങ്കിടുന്ന സംവാദങ്ങളും ചര്‍ച്ചയും നടത്താം.അവരുടെ കൃതികള്‍ വായിച്ചുള്ള വായനാചര്‍ച്ച സംഘടിപ്പിക്കാം.

  • പുസ്തകമേള

    ഹൈസ്കൂള്‍ തലത്തില്‍ ഒരു പുസ്തകമേള സംഘടിപ്പിക്കാന്‍ മുന്‍കൈഎടുക്കണം.ഈ മേളയില്‍ പ്രദര്‍ശിപ്പിക്കുന്ന പുസ്തകങ്ങള്‍ സമീപത്തെ വിദ്യാലയങ്ങള്‍ക്കും ,വാങ്ങാന്‍ അവസരം നല്‍കാം.ചില രക്ഷിതാക്കള്‍, സ്പോണ്‍സര്‍മാര്‍ എന്നിവരെ വിദ്യാലയത്തിന് പുസ്തക കിറ്റ് സമ്മാനിക്കാന്‍ പ്രേരിപ്പിക്കണം.

  • ശ്രാവ്യവായന

    സ്കൂൾ അസ്ംബ്ലി കഴിഞ്ഞാൽ 10 മിനുട്ട് ശ്രാവ്യവായന [ സ്കൂളിലെ മുഴുവൻ കുട്ടികളും ക്ലാസിലോ സൗകര്യമുള്ള ഇടങ്ങളിലോ മാറിയിരുന്നു ഒറ്റക്ക് ഇഷ്ടപ്പെട്ട ഒരു പുസ്തകം ഉറക്കെ വായിച്ച് ആസ്വദിക്കൽ . ഒരു ദിവസം ആദ്യം 3-4 പേജിൽ തുടങ്ങി പിന്നെ പിന്നെ വായനാവേഗം കൂടുന്നത് കാണാം . വായിച്ച പുസ്തകങ്ങളെക്കുറിച്ച് ഒറ്റവരിക്കുറിപ്പുകൾ വായനാ കാർഡിൽ എഴുതൽ വർഷം മുഴുവൻ ഇടതടവില്ലാത്ത 10 മിനുട്ട് വായന .

  • ലൈബ്രറികാര്‍ഡ്/ കാറ്റലോഗ് കാര്‍ഡ്

    ഓരോ കുട്ടിയും മൂന്ന് കാറ്റലോഗ് കാര്‍ഡ് നിര്‍മ്മിക്കണം.ഒരു പുസ്തകം വായിക്കുക. തുടര്‍ന്ന് അത് മറ്റോരാള്‍ക്ക് വായനക്ക് ശുപാര്‍ശചെയ്യാന്‍ തക്ക വിവരങ്ങളുള്ള ഒരു കാര്‍ഡ് ആണ് നിര്‍മ്മിക്കേണ്ടത്.ഇതില്‍ താഴെ പറയുന്ന കാര്യങ്ങള്‍ ഉള്‍പ്പെടണം

    hmbn-¨-Imew

a\-Ên X§n-\n¡p¶ Hcp hm¡v-þ-hmIyw

hmb-\- hgn a\-Ên X§n \n¡p¶ Hcp Nn{Xw

]pkvX-I-¯nse Gähpw ià-\mb IYm-]m{Xw/ZpÀº-e-\mb IYm-]m{Xw

cN-\-bpsS kmwkvIm-cnI ]cn-kcw/kmaq-ly-]-cn-kcw

]pkvXIw hmbn-¡-W-sa¶v asäm-cm-tfmSv ip]mÀi sN¿p-sa-¦n þ ImcWw

  • ആര്‍ക്കും പങ്കെടുക്കാം

    ചാര്‍ട്ടില്‍ ഒരു വായനാ സാമഗ്രി (കഥ ,കവിത, വിവരണം എന്നിങ്ങനെ ഏതുമാകാം) എഴുതി ത്തൂക്കുന്നു..കുട്ടികള്‍ക്ക് പ്രതികരിക്കനായി മൂന്ന് നിലവാരത്തിലുള്ള പ്രവര്‍ത്തനങ്ങള്‍ അതിനു ചുവടെ നിര്‍ദ്ദേശിക്കുന്നു. കുട്ടിക്ക് അവരുടെ കഴിവിനനുസരിച്ച് മൂന്ന് പ്രവര്‍ത്തനമോ ചെയ്യാന്‍ ആത്മവിശ്വാസമുള്ള ഏതെങ്കിലും ഒരു പ്രവര്‍ത്തനമോ എഴുതിത്തയ്യാറാക്കി സമര്‍പ്പിക്കാം. ഉദാഹരണത്തിന് ഒരു ലഘുകവിത നല്‍കുകയാണെങ്കില്‍ ആദ്യചോദ്യം എല്ലാവര്‍ക്കും എഴുതാന്‍ കഴിയുന്ന ഒരു ഒറ്റ വാക്കോ വരിയോ ഉത്തരമായി വരുന്ന ചോദ്യങ്ങളാകാം.അവസാന പ്രവര്‍ത്തനം ഒരാസ്വാദനക്കുറിപ്പ് തയ്യറാക്കലുമാകാം.

2-ക്ലാസ്സില്‍ നടത്താവുന്ന വായനാപ്രവര്‍ത്തനങ്ങളും വായനാകേളികളും

ധാരാളം പ്രവര്‍ത്തനങ്ങള്‍ ഇവിടെ സൂചിപ്പിക്കുന്നുണ്ട്.ക്ലാസ്സും വ്യത്യസ്ത , നിലവാരക്കാരായ കുട്ടികളേയും പരിഗണിച്ച് വര്‍ഷം മുഴുവന്‍ നീണ്ടു നില്‍ക്കുന്ന പ്രവര്‍ത്തനങ്ങള്‍ക്ക് വൈവിധ്യം വരുത്താനാണ് ഈ നിര്‍ദ്ദേശങ്ങള്‍. ക്ലാസ്സിലെ ആവശ്യത്തിനും താല്പര്യത്തിനും അനുസരിച്ച് തെരഞ്ഞെടുക്കാനുള്ള സ്വാതന്ത്ര്യം അധ്യാപികക്കുണ്ട്

  1. പുസ്തകപപേരുകളിഒരേ അക്ഷരത്തില്‍ പേരു തുടങ്ങുന്ന പുസ്തകങ്ങള്‍ എത്ര പറയാം? അക്ഷരം പറയുമ്പോള്‍ ആ അക്ഷരത്തില്‍ പേര് തുടങ്ങുന്ന പുസ്തകപ്പര് പറയല്‍ ഉദാഹരണംകയര്‍, കന്നിക്കൊയ്ത്ത്, കവിയുടെ കാല്പാടുകള്‍

  2. പുസ്തകം എഴുത്തുകാരന്‍ഒരാള്‍ പുസ്തകപ്പേരു പറയണം മറ്റേയാള്‍ എഴുതിയ ആളുടെ പേരും

  3. പുസ്തകത്തില്‍ വാക്ക്/വാക്യം,/ കണ്ടെത്തല്‍കളി

  4. വായനാപോലീസ് കളി ഒരാള്‍ പുസ്തകത്തിലെ ഒരാശയം പറയുന്നു .മറ്റേയാള്‍ ആ ആശയം ഏത് പേജിലാണെന്ന് കണ്ടെത്തണം

  5. പുസ്തകക്വിസ്സ്പുസ്തകത്തില്‍ നിന്നും ചോദ്യങ്ങള്‍ ചോദിക്കാം .വായനക്കാരന്‍ ഉത്തരം കണ്ടെത്തിപ്പറയണം

  6. പോസ്റ്റര്‍ നിര്‍മ്മാണംഒരു പുസ്തകത്തെ പരിചയപ്പെടുത്തുന്ന പോസ്റ്റര്‍

  7. പുസ്തക ഡയറിപുസ്തകം വായിച്ചതിന്റെ അനുഭവം ഡയറിയില്‍ കുറിക്കല്‍

  8. കഥാപാത്രവുമായി അഭിമുഖംവായിച്ച കഥയിലെ കഥാപാത്രങ്ങളോട് അഭിമുഖം നടത്താനുള്ള ചോദ്യങ്ങള്‍ കഥയിലെ കഥാപാത്രമായി വരുന്നവരോട് ചോദിക്കുകഉദാ ബഷീറിന്റെ പാത്തുമ്മയുടെ ആട് എന്ന നോവല്‍ കഥയിലെ പാത്തുമ്മ,കൊച്ചുണ്ണി, ഖദീജ, അബ്ദുൽ ഖാദര്‍, ഹനീഫ എന്നിവരായി വേഷം കെട്ടിയെത്തുന്നവരോട് വായനക്കാര്‍ക്ക് ചോദ്യങ്ങള്‍ ചോദിക്കാം.അവര്‍ കഥയുടെ ഗതി എങ്ങനെ മാറ്റുന്നു എന്ന് തിരിച്ചറിയാം.

  9. ചങ്ങല വായന തുടര്‍ച്ചയായി എല്ലാവരും മാറിമാറി വായിക്കല്‍

  10. കാവ്യകേളിപുസ്തക സഹായത്തോടെ കാവ്യകേളി നടത്തല്‍

  11. കഥാകഥനംവായിച്ച കഥകള്‍ ശ്രവണമധുരമായി അവതരിപ്പിക്കല്‍

  12. മാറ്റാം മറിക്കാംകഥയെ കവിതയാക്കാം, നാടകമാക്കാം,കഥാപ്രസംഗമാക്കാം,തിരക്കഥയാക്കാം കവിതയെ തിരിച്ചും

  13. കഥ ചിത്രീകരിക്കാംകഥ ചിത്രരൂപത്തിലാക്കല്‍

  14. കഥാ പൂരണം,കവിതാ പൂരണംചില ഭാഗങ്ങളുടെ തുടര്‍ച്ച യെഴുതല്‍

  15. വായനാസംഗ്രഹംവായിച്ചതിന്റെ സംഗ്രഹം എഴുതി അവതരിപ്പിക്കല്‍

  16. ആശയവിപുലനംവായിച്ച രചനയിലെ ചില വരികള്‍ വിപുലനം നടത്തി വിശദമാക്കല്‍

  17. കഥയില്‍ പുതിയ കഥാപാത്രങ്ങളെ ഉള്‍പ്പെടുത്തല്‍

  18. മറ്റുഭാഷകളിലെ കഥ കവിത തര്‍ജ്ജമചെയ്തുനോക്കല്‍ (ഹിന്ദി,ഇംഗ്ലീഷ്,അറബിക്,സംസ്കൃതം,ഉറുദു)

  19. സമാനകഥ,കവിത കണ്ടെത്തല്‍കളി

  20. കഥക്കും കവിതക്കും ആസ്വാദനക്കുറിപ്പ് തയ്യറാക്കല്‍

  21. തലക്കെട്ടുമാറ്റിനോക്കല്‍വായിച്ച കഥയുടേയോ കവിതയുടേയോ തലക്കെട്ടുമാറ്റിനോക്കല്‍

  22. പത്രക്വിസ്സ് പത്രം വായിച്ച് അതില്‍ നിന്നും ക്വിസ്സ് നടത്തല്‍

  23. പത്രവാര്‍ത്തസംവാദം വിവിധ പത്രങ്ങളുടെ ആദ്യപേജ് താരതമ്യം

  24. വായനാനാടകംറേഡിയോ നാടകം പോല ശബ്ദനാടകങ്ങള്‍ (നാടകം വായിച്ചവതരിപ്പിക്കല്‍‌)

വായനാ തുടര്‍ച്ചയുമായി ബന്ധപ്പെട്ടവ.

വീട്ടിൽ ഒരു കുഞ്ഞു ലൈബ്രറിആരംഭിക്കൽ വീട്ടിലുള്ള പുസ്തകങ്ങൾ അടുക്കി ഒതുക്കി വെക്കൽ, ലിസ്റ്റ് തയ്യാറാക്കൽ മെല്ലെമെല്ലെ വികസിപ്പിക്കാനുള്ള ആലോചനകൾ, സാധ്യതയുള്ളവർക്ക് സ്വന്തം മൊബൈലിൽ / ടാബിൽ ഒരു വായനശാല ആരംഭിക്കൽ / നെറ്റ് ഇ ബുക്ക്സ് ഇ ബുക്ക് റീഡർ എന്നിവ ഡൗൺലോഡ്ചെയ്ത്പരിചയിക്കൽ